Espectáculo teatral “A Libraría Máxica".

23/07/2024

Desde o Concello de Mondariz este ano celebraremos o Día de Galiza cunha actividade dirixida a un público familiar.

O vindeiro xoves 25 de xullo ás 20.30 horas na Praza de España, Mondariz acolle a presentación do espectáculo teatral “A Libraría Máxica".

Nesta obra dous simpáticos libreiros interpretados por Beatriz Campos e Marcos Alonso da Compañía Inventi Teatro, ofreceranlle o libro perfecto grazas a súa capacidade de atopar o conto necesario para cada persoa e ocasión!

A libraría máxica é o un espectáculo para toda a familia, unha divertida peza teatral que rinde homenaxe ao pequeno comercio, as tendas de barrio, e que achega aos nenos e nenas o amor pola literatura e a lingua galega.

Non te perdas a ocasión de gozar dun espectáculo divertido e único!

Fuente: Omix Mondariz